Monday, March 31, 2008
މަނަދޫ ރޯޝަނީގެ ޢަބްދުލްކަރީމް މުޙަންމަދު ނިޔާވެއްޖެ
މަނަދޫ ގައި އަލަށް އަޅާ ސްޓޭޑިއަމްގެ ބިން ސާފުކުރުމުގެ މަސައްކަތް ކުރެވެން ފަށައިފި
އަތޮޅު ޚާއްޞަ ޚަބަރު: މާފަރުގައި ހެދުމަށް ހަމަޖެހިފައިވާ ސަރހައްދީ އެއާރޕޯރޓްގެ އީ.އައި.އޭ ރިޕޯރޓް ހެދުމުގެ ސާރވޭ ފަށައިފި
Sunday, March 30, 2008
އެކެއް ދޭއް ހިސާބު ނިންމުމުގެ ދުވަސް. މަނަދޫއަށް ބާރުބޮޑު ދުވަހެއް
ނ. އަތޮޅުވެރިޔާ ހޮޅުދޫއަށް ވަޑައިގެންފި
ފުލުހުންގެ 75 ވަނަ އަހަރީ ދުވަހުގެ މުނާސަބަތުގައި މަނަދޫ ޕޮލިސް ސްޓޭޝަނުން ހިންގެވި ކުޅިވަރު ޙަރަކާތްތައް ނިމިއްޖެ
ސަރުކާރުން ދެއްވި 200 ކިލޯވޮޓްގެ ޖަނަރޭޓަރ މިއަދު އިންޖީނުގެއަށް ވެއްދުމުގެ މަސައްކަތް ކޮށްފި
ފޮޓޯއިން ޚަބަރު: މަނަދޫ ޕްރީސްކޫލްކުދިންގެ ފަރި ޙަރަކާތް
ދިވެހި ފުލުހުންގެ ހިދުމަތަށް 75 އަހަރު ފުރުމުގެ މުނާސަބަތުގައި މަނަދޫ ޕޮލިސް ސްޓޭޝަނުން ކުރިއަށް ގެންދިޔަ ހަރަކާތުގައި މަނަދޫ ޕްރީ ސްކޫލް ކުދިން ހުށަހަޅައިދިން އައިޓަމަކީވެސް ބަލާފޫހިނުވާ އައިޓަމެކެވެ
Saturday, March 29, 2008
ނ. އަތޮޅު މަދަރުސާގެ އިސްދަރިވަރުންގެ ބައްދަލުވުމެއް މާލޭ އިންގްލިޝް ސްކޫލްގައި ބޭއްވިއްޖެ
ނ. އަތޮޅުވެރިޔާ ށ. އަތޮޅަށް މިއަދު ފުރާވަޑައިގެންފި
ފުލުހުންގެ އަހަރީ ދުވަހުގެ ޙަރަކާތްތައް މަނަދޫގައި ވަރަށް ފޯރިއާއެކު ކުރިއަށް އެބަދޭ
މަގޭ ރިޕޯޓް: މައިސޫރުގައި މަނަދޫ ހަތަރު ޒުވާނަކު މަތީ ތަޢުލީމް ހާސިލުކުރަނީ
އިންޑިއާގެ ބެންގަލޫރުން 145 ކިލޯ މީޓަރ ދުރުގައި އޮންނަ މައިސޫރުގައި މަނަދޫ ހަތަރު ޒުވާނަކު މަތީ ތަޢުލީމް ހާސިލުކުރަމުން އެބަދެއެވެ. އެއީ މަނަދޫ ފަރިމާގޭ ޢަބްދުﷲ ރަޝީދާއި މަނަދޫ ރިވެލި އަޙްމަދު ޝުޖާޢު އާއި މަނަދޫ މުއިވިލް މަޖްދުﷲ މުޙައްމަދު ސަލީމް އަދި މަނަދޫ އަނބުގަސްދޮށުގޭ އަޙްމަދު ޝަރީފެވެ.
ޢަބްދުﷲ ރަޝީދު ކިޔަވަނީ އޯޕަން ޔުނިވަރސިޓީ ގައާއި އެޕްޓެކް ގައެވެ. ޢަބްދުﷲ ބެޗްލާސް ޑިގްރީ ހާސިލުކުރަނީ އިންފޮމޭޝަން ޓެކްނޮލޮޖީގެ ދާއިރާއިންނެވެ. އަޙްމަދު ޝުޖާޢު ކިޔަވަނީ ޔުނިވަރސިޓީ އޮފް މައިސޫރުގެ އެސް.ޓީ ފިލޯމިނާސް ކޮލެޖްގައެވެ. އަޙްމަދު ބެޗްލާސް އޮފް ޑިގްރީ ހާސިލުކުރަނީ އާރޓްސްގެ ރޮގުންނެވެ. މަޖްދުﷲ މުޙައްމަދު ސަލީމް ވެސް ކިޔަވަނީ ޔުނިވަރސިޓީ އޮފް މައިސޫރުގެ އެސް.ޓީ ފިލޯމިނާސް ކޮލެޖްގައެވެ. މަޖްދުﷲ ބެޗްލާސް ޑިގްރީ ހާސިލުކުރަނީ ސައިންސް ގެ ރޮގުންނެވެ. އަޙްމަދު ޝަރީފް ކިޔަވަމުން ދަނީ ޔުނިވަރސިޓީ އޮފް މައިސޫރުންނެވެ. އަޙްމަދު ހަދަނީ މާސްޓަރސް އިން ބިޒިނަސް އެޑްމިނިސްޓްރޭޝަނެވެ.
އިންޑިއާގެ ބެންގަލޫރުގައިވެސް މަނަދޫ ޒުވާނަކު ކިޔަވަމުން އެބަދެއެވެ. އެއީ މަނަދޫ ގަނދަކޯޅިމާގޭ އިސްމާޢީލް ނޫޙެވެ. އޭނާ ހަދަމުންދަނީ އިންފޮމޭޝަން ޓެކްނޮލޮޖީގެ ރޮނގުން ޑިޕްލޮމާއެވެ.
މަނަދޫ ގިނަ ޒުވާނުންތަކެއް ރާއްޖެއިން ބޭރުގެ އެކި ކަންކޮޅުތަކުގައި މަތީ ތަޢުލީމް ހާސިލުކުރަމުން ދިއުމަކީ މަނަދޫ ކޮންމެ މީހަކުވެސް ފަޚުރުވެރިވާނެ ކަމެކެވެ. އަދި އެއީ މުސްތަޤުބަލުގައި މަނަދުއަށާއި ޤައުމަށް އެކަމުގެ ފައިދާކުރާނެ ކަމެކެވެ. އަމިއްލަ ރަށާއި އާއިލާ ދޫކޮށް ބޭރު ޤައުމެއްގައި މި ކުދިން ކިޔަވަމުންދާއިރު އަޅުގަނޑަށް އެންމެ ބޮޑަށް ފާހަގަ ކުރެވުނު ކަމަކީ މި ކުދިންގެ މެދުގައި އޮތް އެކުވެރިކަމެވެ. ވަކިވަކިން ދިރިއުޅުނަސް މިކުދިން އުޅެމުންދަނީ އެއް އާއިލާއެއްގެ ގޮތުގައެވެ. މިކުދިންނަށް ތަޢުލީމީ ރޮނގުން އުޖާލާ މުސްތަޤުބަލަކަށް އެދެމެވެ.
މީގެ ކުރިންވެސް މައިސޫރުން މަނަދޫގެ ދެ ޒުވާނަކު މަތީ ތަޢުލީމް ހާސިލުކޮށްފައިވެއެވެ. އެއީ މަނަދޫ ވީނަސް އަޙްމަދު ނިޝާން އާއި މަނަދޫ ރިވެލި ޢަބްދުﷲ ޝުޖާޢު އެވެ. ނިޝާން ހާސިލުކުރީ އިންފޮމޭޝަން ޓެކްނޮލޮޖީގެ ރޮގުން ޑިޕްލޮމާއެކެވެ. ޢަބްދުﷲ ޝުޖާޢު ހާސިލުކުރީ އާރޓްސްގެ ރޮގުން ބެޗްލާރސް ޑިގްރީއެވެ.
ފުލުހުންނަށް 75 އަހަރު ފުރުމުގެ މުނާޞަބަތުގައި މަނަދޫ ޕޮލިސް ސްޓޭޝަން އިން ބާއްވާ ކުޅިވަރު މުބާރާތްތައް ފެށިއްޖެ
ފުލުހުންނަށް 75 ވަނަ އަހަރު ފުރުމާއި ގުޅިގެން މަނަދޫ ޕޮލިސް ސްޓޭޝަންއިން ރާވާ ހިންގާ ޕްރޮގްރާމްތައް ފެށިގެން ކުރިއަށް އެބަދެއެވެ. މިއަދު ހެނދު ފެށުނު މި ކުޅިވަރު މުބާރާތްތަކުގައި ޓީމްތައް ބައިވެރިވެ، ބައެއްޓީމްތައް ކަޓާ، އަނެއްބައިޓީމްތައް ފަޚުރުވެރި ވަނަތައް ދަނީ ހޯދަމުންނެވެ. މި މުބާރާތުގެ ވަނަތަކާއި އިތުރު ތަފްސިލާއި ފޮޓޯ ވަރަށް އަވަހަށް ގެނެސްދެވޭނެ ވާހަކަ މަޢުލޫމާތަށްޓަކައި ދަންނަވާލީމެވެ
Friday, March 28, 2008
ނ. އަތޮޅު މަދަރުސާގެ އިސްދަރިވަރުންގެ ބައްދަލުވުން އެމް.އީ.އެސް އިން ވަގުތުން
ފޮޓޯތައް ބޮޑުކޮށް ބެއްލެވުމަށް ފޮޓޯއަށް ކްލިކް ކޮށްލައްވާ
9:00 ބައްދަލުވުމުގައި ބައިވެރިވާ އަތޮޅު މަދަރުސާގެ އިސްދަރިވަރުންނާއި ހެޔޮއެދޭ ފަރާތްތަކުން ބައްދަލުވުމަށް ވަޑައިގަންނަވަމުންދާތީ ބައްދަލުވުން ނުވައެއް ޖެހިއިރު އަދި ވަނީ ފެށޭގޮތް ނުވެފައެވެ
9:08 ބައްދަލުވުން ބޭއްވެނީ އެމް.އީ.އެސް ބޭރު ހޯލްގައި ކަމުން އެތަން ވަރަށްބޮޑަށް އަނދިރިވެ ފޮޓޯ ނުސާފުކަމުން މިވަގުތު ފޮޓޯތައް ނުފެނުމަކީ އެކަށިގެންވާކަމެއްކަމަށް ކިޔުންތެރިން އަރިހުގައި ދަންނަވާލަމެވެ
9:12 ބައްދަލުވުން ފެށިއްޖެ. މިހާރު ވާހަކަފުޅު ދައްކަވަމުން ގެންދަވަނީ ޓާސްކްފޯސް ކޮމެޓީގެ ނާއިބް ރައީސް މަނަދޫ ކަތީބް ސަޢީދު ޤާސިމް. ބައްދަލުވުމުގައި ފުދޭވަރަކަށް ގިނަ ބޭފުޅުން ބައިވެރިކަމަށް މުރާސިލް ވިދާޅުވޭ
9:13 ސަޢީދު ޤާސިމްގެ ވާހަކައިގައި ޓާސްފޯހެއް އުފެއްދުމުގެ ބޭނުންތެރި ކަމާއި ބެހޭގޮތުން މިހާރު ވާހަކަފުޅު ދައްކަވަމުންދަނީ
9:15 މިބައްދަލުވުމުގެ ފޮޓޯ ނެންގެވެމަށް އެމްއެލްގެ ފޮޓޯ ގްރާފަރަކު ޙަރަކާތްތެރިވަމުންދާތީ ސާފު ފޮޓޯތައް އެމްއެލްއިން މިރޭ ފަހުގެ ވަގުތެއްގައި ގެނެސްދެވޭނެ
9:20 ސަޢީދު ޤާސިމްގެ ވާހަކަކޮޅު ނިންމަވާލައްވައިފި. މިހާރު ކުރިއަށްދަނީ ބައްދަލުވުމުގައި ބައިވެރިވި ފަރާތްތަކުން ޚިޔާލު ފާޅުކުރެއްވުން. އެގޮތުން އެންމެ ފުރަތަމަ ވާހަކަފުޅު ދެއްކެވީ ނާހިދާ މުޙަންމަދު އެއަށްފަހު އަހުމަދު ފައިސަލް . މިހާރު ވާހަކަފުޅު ދައްކަވަމުންދަނި އަބޫބަކުރު މުޙަންމަދު
9:30 ބައްދަލުވުމުގައި ބައިވެރި ފަރާތްތަކުން ސްކޫލްގެ ހިންގުންތެރިކަން މިހާރަށްވުރެ ރަނގަޅު ކުރުމަށާއި، ތަޢުލީމުގެ އިތުރު ފުރުޞަތުތައް ހޯއްދަވައިދެއްވުމުގެ މައްޗަށް ވާހަފުޅު ދައްކަވަމުންދޭ. މިހާރު ވާހަކަފުޅު ދައްކަވަނީ ރަތްވިލާގޭ އަޒުވަރު. އަޒުވަރުގެ ވާހަކަފުޅުގައި ކޮންމެބޭފުޅަކުވެސް ބޭނުންވަނީ ކްރެޑިޓް ހޯދަން ކަމަށާއި މިނޫން ގޮތަކަށް ކަންތައްތައް ކުރަން ވެއްޖެކަމަށް ވިދާޅުވ
9:35 މިހާރު ވާހަކަފުޅު ދައްކަވަނީ ނ. އަތޮޅުގެ އިއްޒަތްތެރި މެންބަރު މުހަންމަދު ތޯރިގް. އޭނާގެ ވާހަކައިގައި ކަންތައްތައް ރަނގަޅުކުރުމުގައި އެންމެން އެކަތިގަނޑަކަށް ވުމުގެ މައްޗަށް އަލިއަޅުވާލި. އަދި ނ. އަތޮޅު މަދަރުސާއަށް 30 އަހަރު ފުރޭ މުނާޞަބަތުގައި ދ. އަތޮޅުގެ އިއްޒަތްތެރި މެންބަރު އަހުމަދު ޝިޔާމް (ކުޑަފަރީ ޝިޔާމް) އެހީވެދެއްވާނެ ކަމަށް އޭނާ ވިދާޅުވިކަމަށްވެސް ތޯރިގް ވިދާޅުވި
9:50 ބައްދަލުވުމުގެ ބައިވެރިން އަދިވެސް ޚިޔާލު ފާޅުކުރައްވަމުން ގެންދަވަނީ. ބައެއް ފަރާތްތަކުން ސްކޫލްގައި ކޮމްޕިޔުޓަރ ލެބެއް ހެއްދެވުމާއި ބެހޭގޮތުން ވާހަކަފުޅު ދެއްކެވި. އަދި މިކަމާއި ބެހޭގޮތުން ބައެއް ބައިވެރިން ވިދާޅުވަނީ މިހާރު އެއީ ވަގުތު ފާއިތުވެފައިވާ ކަމެއްކަމަށާއި އެކަން ކުރަން ނުފެންނަ ކަމަށެވެ. ބައްދަލުވުމުގައި ބައިވެރިވެލެއްވި ފަރާތްތަކުން ނަގާ އެންމެބޮޑު ޝަކުވާއަކީ ސްކޫލްގެ ހާލަތު މިހާރުން މިހާރަށްވެސް ރަނގަޅު ކުރުމަށާއި، ދަރިވަރުންނަށް ރަނގަޅު ގޮތް ބޭނުންވާކަމުގެ މައްޗަށް
9:56 ބައްދަލުވުމުގެ ފޮޓޯތައް ކުޑަކުޑަ އިރުކޮޅެއްގެ ތެރޭގައި އިރާދަކުރެއްވިއްޔާ ކިޔުންތެރިންނާއި ހަމައަށް އަންނާނެއެވ
10:00 މިޙާރު ވާހަކަފުޅު ދައްކަވަނީ އިބްރާހީމް މަނިކު. މަނިކުގެ ވާހަކޮޅުގައި ސްކޫލްގެ ކަންތައްތައް ރަނގަޅު ކުރުމަށް ދިމާވެފައިވާ ގޮންޖެހުންތަކުގެ މައްޗަށް އަލިއަޅުވާލި. އޭނާ ވިދާޅުވީ ސްކޫލްގައި މިހާރު ތިއްބެވި ޓީޗަރުންގެ ފެންވަރު ރަނގަޅު ކަމަށާއި، އޯލެވެލްގައި ސްކޫލުން ރަނގަޅު ނަތީޖާ ހޯދާފައިވަނީވެސް ސްކޫލުން ކިޔަވައިދެއްވި ޓީޗަރުންގެ ސަބަބުން ކަމަށެވެ. އަހަރެމެން ރައްޔިތުން ހޭލުންތެރިވާން ވެއްޖެކަމަށާއި، ސްކޫލަށް ޚިދުމަތް ކުރާނެ ކުދިން ތައްޔާރުކުރުމަކީ މައިންބަފައިންގެ ޒިންމާއެއްކަމަށް ވިދާޅުވި
10:15 ބައްދަލުވުމުގެ ފޯރިގަދަ ކަމުން އަޕްޑޭޓް ވުން ލަސްވެގެންދާތީ މަޢާފަށް އެދެމެވެ
10:30 ބައްދަލުވުމުގައި ބައިވެރި ފަރާތްތަކުން ވިދާޅުވަނީ ރަށުގެ ކަންތައްތައް ރަނގަޅުކުރަން އުޅުމުން އެކަމަށް ހުރަސްއެޅޭ ކަމަށާއި، ހައިސިއްޔަތެއް ނެތް ކަމަށް ބައެއް މީހުން ބުނާތީ ހިތްހަމަ ނުޖެހޭކަމަށެވެ. އަބްދުﷲ ހަސީން ބައްދަލުވުމުގައި ވާހަކަފުޅު ދައްކަވަމުން ރަނގަޅު ހުށަހެޅުމެއް ހުށަހެޅުއްވި ކަމަށް މުރާސިލް ވިދާޅުވި. މުރާސިލް ވިދާޅުވީ އަތޮޅު މަދަރުސާގެ އިސްދަރިވަރުންގެ ޖަމްޢިއްޔާއެއް ރަޖިސްޓްރީ ކުރުމަށް އޭނާ ހުޅަހެޅި ކަމަށް
10:45 ބައްދަލުވުމުގައި މިހާރު ކުރިއަށްދަނީ އަހަރީ ދުވަހާއި ބެހޭގޮތުން ފައިސާ ކަލެކްޓް ކުރަންދާނެ ގްރޫޕެއް ހޮވުމުގެ މަސައްކަތް. އެގޮތުން މިހާރު އެގުރޫފަށް ހޮވިފައިވަނީ މަނިކު، ތޯރިގު، ޖައުހަރި، ނާހިދާ، ގާސިމް އަދި ޢުމަރެވެ
11:00 ބައްދަލުވުމުގެ ބައެއް ބައިވެރިން އެދެމުންދަނީ 30 އަހަރުގެ ހަނދާނީ ބިނާއެއް ހެދުމަށާއި، ސްކޫލަށް އެކިރޮނގު ރޮނގުން ޚިދުމަތް ކުރެއްވި ފަރާތްތަކަށް ހަނަދާނީ ފިލައެއް އެރުވުމުގެ މުހިންމު ކަމުގެ މައްޗަށެވެ
11:15 ބައްދަލުވުމުގެ ބައިވެރިންގެ ތެރެއިން ބައެއް ބޭކަލުން ނުބައި މައުލޫނަގައިގެން އުޅުއްވާ ކަމަށް އެމްއެލް މުރާސިލް ސިފަކުރެއްވި. އެގޮތުން ބައެއް ފަރާރތްތަކުން މަނަދޫއިން ވައިފައި ކެނޑިގެން އުޅޭތީ އެމައްސަލަ އިޝޫއަކަށް ނެގިކަމަށް. ނަމަވެސް މިހާރު މަނަދޫއަށް ދިމާވި ވައިފައި ގެ މައްސަލަ ދިރާގުން ވަނީ ހައްލުކޮށްދެއްވާފައ
11:20 ގައި އިސްދަރިވަރުންގެ ބައްދަލުވުން ނިމިއްޖެ. ބައްދަލުވުމާއި ބެހޭ އިތުރު ފޮޓޯ އާއި ތަފްސީލް މާދަމާ އެމްއެލްއިން ގެނެސްދޭނެ ވާހަކަ މަޢުލޫމާތަށްޓަކައި ދަންނަވާލަމުން އެމްއެލްއިން ގެނެސްދެމުން ދިޔަ ލައިވް ކަވަރެރޭޖް މިނިންމާލަނީ ބާއްޖަވެރި ރެއަކަށް އެދެމުންނެވެ. ވައްސަލާމް ޢަލައިކުމް
ނ.އަތޮޅު ކޮމިޓީގެ ބައްދަލުވުމެއް މަނަދޫގައި ބޭއްވިއްޖެ
ނ. އަތޮޅު މަދަރުސާގެ އިސްދަރިވަރުންގެ ބައްދަލުވުމުގެ ލައިވް ކަވަރޭޖް އެމްއެލް އިން ވަގުތުން ގެނެސްދެވޭނެ
Thursday, March 27, 2008
މަގޭ ރިޕޯޓް: އާބާދީ އިތުރުވާނެ ގޮތެއް ބުނެދެން ހެއްޔެވެ؟
ލިޔުނީ - ސަމް
މަގޭ ރިޕޯޓަށް ލިޔުމަށް ފޮނުވާނުލެވި ދުވަސްކޮޅެއްވީ މަގޭ ބިޒީވެގެން ކަމުގައި ކިޔުންތެރިން ގާތު ބުނެލަން ބޭނުމެވެ. އެކުން އަނގަ ގަދަ ނުކޮށް މިފަހަރުގެ މައުލޫއާގެން ކުރިއަށް ދާނަމެވެ. ދަންނައެ، މަގޭމެންގެ މަނަދޫގައި އާބާދީއަކީ މާބޮޑު އާބާދީއެއް އޮތް ރަށެއްނޫނެވެ. މިޒަމާނުގެ ޓެކްނޮލޮޖީތައް ބޭނުންކޮށްގެން އާބާދީ ކޮންޓްރޯލް ކުރަނީއެއް ކަމެއް ނޭންގެއެވެ. މަށަށް އެނގޭ ކަމަކީ މަނަދޫގައި އާބާދީ ދަށްކަމެވެ. އާބާދީ ނެތްކަމެވެ.
އެހެންނަމަވެސް މިޒަމާނުގެ ހޯދުންތަކުން އެނގޭ ގޮތުގައި އާބާދީ ބޮޑުނުކޮށް ތިބެގެން މަގޭމެންނަށް މަންޒިލް މަޤްސޫދަށް ވާސިލުވުމުގައި ހުއްޓުމެއް އަންނަކަން މަގެއަށް ހަމަގައިމުވެސް ފާހަގަކުރެވެއެވެ. މަގޭ ރަށްޓެހި (ރަށުގެ ނަން އުނިކުރެވިފައި) މީހަކު އެއްދުވަހު ދެއްކި ވާހަކައެއްގައި އެމީހުން އާބާދީ ބޮޑުކުރާ ގޮތް ކިޔައިދިނެވެ. ރަށްޓެހި މީހާ ބުނީ ސަމް އޭ އަހަރެމެން ރަށުގެ އާބާދީ ލިސްޓުގައި މަރުވެފައިވާ މީހުންވެސް ވާނެޔޭ، ރަށު ކުއްޖަކު މީހަކާ އިނދެގެން ގެންނަ ބީރައްޓެހި ކުއްޖާ ވަގުތުން ރަށްވެއްސަކަށް ހަދާލާ އެއްކަލަ ލިސްޓް ބޮޑުކޮށްލާ ކަމުގައެވެ. އެވަގުތު ހިތާހިތުން ބުނެވުނެވެ. ނޫނޭވާ މި (ރަށުގެ ނަން އުނިކުރެވިފައި) މީހުންގެ ފިސާރި ކަމެއް އެބަހުރިތާއެވެ.
މަގޭ އެކުވެރި ރަހުމަތްތެރިޔާ އެހެން ބުނިފަހުން މަގޭ ދެލޮލަށް ނިދި ނުލިބެއެވެ. ހިތައްއަރަނީ މަގޭމެންގެ ރަށުގެ އާބާދީ ބޮޑު ކުރާނެގޮތެއްވޭތޯއެވެ. (ރަށުގެ ނަން އުނިކުރެވިފައި) މިހާ އެބުނިގޮތަށް މަގޭމެންގެ ރަށުގައި ރަށު ކުދިންނާ ކައިވެނިކޮށްގެން ކިތަކެއް ކުދިން އެބައުޅޭބާވައެވެ؟ އެކުދިން ކައިރިއަށް ހިނގައިގެންވެސް މަނަދޫ ރަށްވެހިންނަށް އެކުދިން ނަހަދާ ތިބެގެން ވާކަށްނެތެވެ. އޭރުން މިހާރު މިއޮތް 1600 މީހުންގެ އާބާދީ ހަމަގައިމުވެސް ދެހާހަށް އަރުވާލެވޭނެތާއެވެ. މިވެސް ލައްކަވަރެކެވެ. މިހެންވެއްޖެނަމަ ރަށްޓެހި މީހާ އެކިޔާ އެންމެ ބައިބޯރަށް މަގޭމެންގެ ރަށަށް ވެގެން ދިޔުމަކީ ހަމަ ވެދާނެގޮތެކެވެ. ރަށްޓެހި މީހާމެން ރަށުގެ މީހުން އެތިބީ އާބާދީ ބޮޑުކޮށްގެން އަތޮޅު އޮފީސް އުފުރާލަންވެސް ތައްޔާރަށެވެ. އެކަމަކު އެއްކަލަ މިދެއްވާ އައްޑަނަ ނުލިބި ފަހަރުގައި ހިނގައިދާނެ އިގޭއެވެ.
ނޯޓް: ލިޔުންތެރިޔާ ފޮނުއްވި ލިޔުން އެޑިޓްކޮށް، ބައެއް ނަންތައް އުނިކުރެވިފައިވާނެއެވެ.