މަނަދޫގައި ހެދިފައިވާ ކުނިކޮށި ހެދިފައިވަނީ އެންމެން ރައްކާތެރި ގޮތުގައި ކުނި ނައްތާލުމާއި ސާފުތާހިރު ވެއްޓެއް މަނަދޫގައި ޤާއިމްކުރުމުގެ ބޭނުމަގައެވެ. މިތަން ހެޔޮގޮތުގައި ރައްޔިތުން ބޭނުންކުރުމަކީ ވަރަށް މުހިންމު ކަމެކެވެ. ކުނިކޮށީގެ ޖެހޭހާތަނަކަށް ކުނިއެޅުން މިހުރީ ފިލުވާލަން ޖެހިފައިވާ ނުބައި އާދައެކެވެ. ކުނިކޮށި ބަލަހަށްޓަން ދެބޭކަލުން ޙަރަކާތްތެރި ވާއިރު ގިނަ ވަގުތު އެތަނުގައި ހޭދަކުރުމަކީ ކޮންމެހެން ބޭނުންކަމެވެ. އަވަސް އަރައިގެން ކުނިކޮޅު އުކާލަން ދާ މީހާއަށް ތަނުގައި ހެދިފައިވާ ޤަވާޢިދު އޮޅުންފިލުވައިދީ ނަސޭޙަތްތެރިވާން ޖެހޭނެއެވެ. އޭގެ ބަދަލުގައި ނުރަނގަޅު ކަމެއް މީހެއްގެ ފުށުން ފެނުމުން، ހިތަށްއެރި ގޮތަކަށް އެމީހާއަށް އެއްޗެތި ކިޔާ ނިކަމެތި ކޮށްލައިގެން ނުވާނެއެވެ. މަޑުމައިތިރި ކަމާއި އޯގާތެރި ކަމާއެކު އެކަމެއް ރަނގަޅު ކުރުމަށް ބުނުމުން އަނެކާގެ އިޙްތިރާމް ކުނިކޮށި ބަލަހަށްޓަން ތިބޭ ދެ މުވައްޒަފުންނަށް ލިބޭނީ އޭރުންނެވެ. ކުނިކޮށި ހެޔޮގޮތުގައި ބޭނުން ކުރުމަކީ މިއަދު އެންމެންވެސް ކުރައްވެއްޖެ ކަމެކެވެ. ސާފުތާހިރު ދުޅަހެޔޮ ސީއްޙަތެއްގެ އަހުލުވެރި ބަޔަކަށް މަނަދޫގެ ލޮބުވެތި ރައްޔިތުން ވަމާތޯއެވެ
No comments:
Post a Comment