މުއާސަލަތީ ޚިދުމަތްދޭ ކުންފުނި ދިރާގުން މަނަދޫއަށް ދެއްވަމުން ގެންދަވާ ވައިފައި ޚިދުމަތް ކެނޑިގެން އެކަމުގެ ދަތި ވައިފައި ބޭނުންފުޅު ކުރައްވާ ފަރާތްތަކަށް ވަރަށްބޮޑަށް ކުރަމުންދާ ކަމުގައި އެމްއެލްއަށް މަޢުލޫމާތު ލިބިއްޖެއެވެ. މަނަދޫގައި ވައިފައި ބޭނުން ކުރައްވާ ކަސްޓަމަރުން އެއްދުވަހުން އަނެއް ދުވަހަށް ގިނަވަމުން އަންނައިރު މި ޚިދުމަތް މެދުކެނޑުމުން ކަސްޓަމަރުންނަށް މިކަމުގެ ސަބަބުން ދިމާވަމުންދާ ދަތިތައް އެމްއެލްއަށް ބައެއް ފަރާތްތަކުން ވިދާޅުވެދެއްވިއެވެ. ވައިފައި ޚިދުމަތް މެދުކެނޑެން ދިމާވަން ޖެހުނީ ކުރިން ދިރާގުން އެންޓަނާ ޖަހާފައި ހުރި ފޯކަލް ޕޮއިންޓްތަކުން އެންޓަނާ ނަގައި ދިރާގު ހަޓުގައި ހުންނަ މައި އެންޓެނާއަށް ސިސްޓަމް ބަދަލުކުރުމާއި ގުޅިގެން ކަމަށް އެފަރާތްތަކުން މަޢުލޫމާތު ދެއްވައެވެ. މިމައްސަލައިގައި ދިރާގުން ވިދާޅުވަނީ މަނަދޫއަށް ދިމާވެގެން އުޅޭ ވައިފައިގެ މައްސަލަ ހައްލުކުރެއްވުމުގެ މަސައްކަތް މިއަދު ކުރިއަށް ދާކަމަށެވެ. މަނަދޫގައި ލެޕްޓޮޕް ބޭނުންކޮށްގެން ރެސްޓޯރަންޓްތަކާއި ގޭގޭގައި ނެޓަށްވަދެ، ޗެޓްކުރުން މިހާރުދަނީ އާންމުވަމުންނެވެ
No comments:
Post a Comment