މަނަދޫގައި ނަރުދަމާ ނިޒާމެއް ޤާއިމުކުރުމުގެ މަސައްކަތް މީގެ ގާތްގަނޑަކަށް 3 އަހަރު ކުރިން ވަނީ ފެށިފައެވެ. މަނަދޫގައި ނަރުދަމާ ނިޒާމް ޤާއިމުކޮށްދެއްވަން ނިންމީ ޔުނިސެފްގެ ފަރާތުންނެވެ. ޔުނިސެފުން މި މަސައްކަތް ކޮންޓެކްޓް އުސޫލުން ޙަވާލުކޮށްފައިވަނީ ޔުނެޕްސް ކިޔާ ބޭރުގެ ޖަމާޢަތަކާއެވެ. ނަރުދަމާ ނިޒާމް ޤާއިމް ކުރުމުގެ މަސައްކަތް ކުރިއަށްދާލެއް ލަސްކަން މަނަދޫގެ ރައްޔިތުންވަނީ ފާހަގަކޮށްފައެވެ. ބޮޑު ބަޖެޓެއް ޔުނިސެފުން ކަނޑައަޅައިގެން ޔުނެޕްސް އާއި ޙަވާލުކޮށްގެން ފެށި މަސައްކަތް ނިމޭނެ ދުވަހެއް އަދި ނޭންގެއެވެ. ނަމަވެސް މަސައްކަތް ނިންމަން ޖެހޭ ތާރީޚު ފަހަނަ އަޅާ ދިޔައިރުވެސް މަސައްކަތް ވަނީ ނުނިމިއެވެ.
އަދި މިހާރު ފެންމަތިވެގެން އުޅޭ މައްސަލައިގެ ސަބަބުން މި މަސައްކަތް އިތުރަށް ދިގުދެމިގެން ދިޔުން އެކަށީގެންވެއެވެ. މިހާރު ދިމާވެގެން އުޅޭ މައްސަލައަކީ މިމަސައްކަތުގެ ކަންތައް ބެލެހެއްޓުމަށް މަނަދޫ ރައްޔިތުން ހޮވާފައިވާ އެގްޒެކްޓިވް ކޮމެޓީގެ އެކައުންޓެއް ނެތުމުން އެކޮމެޓީ މެދުވެރިކޮށް ކޮންޓެކްޓަށް ދޫކުރާ މަސައްކަތްތަކުގެ ފައިސާ، މަސައްކަތްތައް ކުރާ ފަރާތްތަކަށް ނުލިބުމުގެ މައްސަލައެވެ. އެގްޒެކްޓިވް ކޮމެޓީގެ އެކައުންޓެއް ހުޅުވުމަށް އެކޮމެޓީ އާއި ބެހޭ ހުރިހާ މަޢުލޫމާތެއް ސަރުކާރުގެ ކަމާބެހޭ ފަރާތްތަކަށް ފޮނުވާފައިވާ ކަމަށްވަނީ މަޢުލޫމާތު ލިބިފައެވެ. މިހާރު ދިމާވެގެން އުޅޭ އެންމެބޮޑު މައްސަލައަކީ ގޭގޭގައި ބަހަށްޓާ ޖަންގްޝަންތައް އެޅުމަށާއި އެޖަންގްޝަންތައް ގޭގެއަށް ގެންގޮސް ގޭގެ ވެރިފަރާތުން ދައްކާ ތަނެއްގައި ބެހެއްޓުމުގެ މަސައްކަތް މަނަދޫގެ 3 ގްރޫޕަކާއި ޙަވާލުކޮށްގެން ކުރުވުމަށްފަހު ، އެގުރޫޕްތަކަށް ލިބެންޖެހޭ ފައިސާ ނުލިބުމުގެ މައްސަލައެވެ. މިކަމާއި ގްރޫޕްތަކުން ހިތްހަމަ ނުޖެހިގެން މަނަދޫގައި ހުންނަ ޔުނެޕްސްގެ އޮފީހަށް ދިއުމުން އެތަނުން ވިދާޅުވަނީ ޔުނެޕްސްއިން ފައިސާ ޖަމާކުރަން ޖެހެނީ އެގްޒެކްޓިވް ކޮމެޓީގެ އެކައުންޓަށް ކަމަށާއި، އެކޮމެޓީގެ އެކައުންޓެއް މިއަދާ ޖެހުނު އިރުވެސް ހުޅުވާފައި ނުވާކަމަށެވެ. ފައިސާ ނުލިބިގެން ޖަންގްޝަންތައް ވަޅުލުމަށް މަސައްކަތް ކުރަމުންދިޔަ މިލަދޫ ގުރޫޕެއް ގެ މަސައްކަތް ރޭގައި ވަނީ ބަޔަކު ނުކުމެ ހުއްޓުވާފައެވެ. ނަމަވެސް މިއަދު ބައެއް ޖަންގްޝަންތައް ވަޅުލުމުގެ މަސައްކަތް ކުރިއަށްދާ ކަމަށް އެމްއެލް އަށް މަޢުލޫމާތު ލިބިފައިވެއެވެ. މިހާރު އުފެދިފައިވާ ސުވާލަކީ ، ފައިސާ ނުލިބިގެން އުޅެނީ ކޮންބައެއްގެ އިހުމާލުންބާވައެވެ؟ މަނަދޫ އާއިއެކު މިނިޒާމް ޤާއިމްކޮށްދެން ޔުނިސެފުން ކަނޑައެޅި އަނެއް ތިން ރަށް ކަމަށްވާ ފ. ނިލަންދޫ އާއި ދ. މީދޫ އާއި ރ. އުނގޫފާރުގެ މަސައްކަތްވަނީ މިހާރު ނިމުމަކަށް ގޮސްފައެވެ. މަނަދޫގެ މަސައްކަތް ނިމޭނެ ދުވަހެއް އަދި ޔޯލަކޮށްލާފައިވެސް ދަންނަވަން ނޭންގެއެވެ.
މިހެންވުމަށް މެދުވެރީ ކޮންބައެއްގެ ސަބަބުންތޯ ބަލަން މިއަދު ގިނަބަޔަކު ބޭނުމެވެ. ބޭރުގެ ޖަމާޢަތަކުން މިފަދަ ކަމެއް ކޮށްދެއްވަން ނިންމެވުމުން ރައްޔިތުންގެ މިފަދަ ކަންކަން ޝުކުރުވެރި ކަމާއިއެކު ބަލައި ނުގަންނަ ކަމުގައިވާނަމަ، ކުރިއަށް އޮތް ތާނގައި މިފަދަ ފުރުޞަތުތައް ގެއްލިގެން ދިޔުމަކީ އެކަށީގެންވާ ކަމެކެވެ. މަނަދޫއަށް ލިބިފައިމިވާ ރަނުގެ ފުރުޞަތުގެ ބޭނުން ރައްޔިތުން ހިފަމާތޯއެވެ
1 comment:
Mee varah dherakameh, Mifadha kanthah thakah Rashu ofeehunaa Atholhu ofeehun thankolheh samaaluvaanvejje, mikamuge sababun, rashuge rayyithunah ginaguna dhathithakaa dhimaavaane.
ehen rahrashugai hadhaa gothah, kameh dhimaavaairah.. masahkaiy huttuvumuge badhalugai, vegen ulhey gotheh saafukuranveee, sarukaaruge kamaabehey faraiythakaa vaahaka dhakaigen.
-MANADHOO HORSE-
Post a Comment