ނ. މަނަދޫގައި ހުންނަ ނ. އަތޮޅު މަދަރުސާއަށް 30 އަހަރު ފުރުން ކުލަގަދަ ގޮތެއްގައި ފާހަގަ ކުރުމަށް އެކުލަވާލާފައިވާ ޓާސްކްފޯސް ކޮމެޓީގެ ބައެއް މަގާމުތަކަށް އާ ބޭފުޅުން ހަމަޖައްސަވައިފިއެވެ. އަލަށް ކޮމެޓީއަށް ހަމަޖެއްސެވި ބޭފުޅުންނަކީ ކޮމެޓީގެ ވައިސް ޗެއާޕާރސަނަކަށް މަނަދޫ ކަތީބު އަލްފާޟިލް ސަޢީދު ޤާސިމު، ސެކްރެޓަރީއަކަށް ނ. އަތޮޅު މަދަރުސާގެ ސުޕަވައިޒަރ ޢަބްދުއްސައްތާރު މުޙައްމަދެވެ. ކުރިން ވައިސް ޗެއާޕަރސަންއަކަށް ހުންނެވި އަލްފާޟިލް މުޙައްމަދު މާހިދު އާއި ސެކްރެޓަރީ އަކަށް ހުންނެވި އަލްފާޟިލް ސަޢީދު އިބްރާހިމް ( އަތޮޅުވެރިޔާގެ އެހީތެރިޔާ ) މަސައްކަތް ހުންނެވިގޮތުން އިސްތިޢުފާ ދެއްވީއެވެ. މިކޮމެޓީގެ ޚަޒާންދާރުކަންވެސް ވަގުތީ ގޮތުން އަލްފާޟިލް ޤާސިމް ދާޢޫދު ( މާޅެންދޫ ކާސިންފުޅު ) އާވަނީ ޙަވާލުކުރައްވާފައެވެ. އެއީ ޚަޒާދާރު ކަމުގައި ހުންނެވި އަލްފާޟިލް ޚާލިދު މުޙައްމަދު ( ފިލިގަސްދޮށުގެ ) ކޮމެޓީއަށް ވަޑައިގަތުމަށް އުޒުރުވެރިވެ ލައްވާތީއެވެ. މިކޮމެޓީގެ ޗެއަރޕާސަނަކީ ނ. އަތޮޅުވެރިޔާގެ އެހީތެރިޔާ މަނަދޫ ޖައުޒާ އަލްފާޟިލް ޢަބްދުﷲ ޢަބްދުލްވާޙިދެވެ
Subscribe to:
Post Comments (Atom)
No comments:
Post a Comment