ރާއްޖޭގެ ޤައުމީ ފެންވަރުގައި ކުޅިވަރުގެ ދާއިރާގައި މަނަދޫ ރައްޔިތުންގެ ތެރެއިން އެންމެ ފާހަގަކޮށްލެވެނީ މަނަދޫ ސޯސަންގޭ އަހުމަދު މުޙަންމަދު ( ދޮނާ ) އެވެ. ރާއްޖޭގެ މަޝްހޫރު ކުލަބެއް ކަމަށްވާ ކުލަބު ވެލެންސިޔާ އުފެއްދުމުގައިވެސް އިސްކޮށް އުޅުއްވި ދޮނާ އެޓީމުގެ މެނޭޖަރުކަމުން ދާދިފަހުންވަނީ ބަދަލުކޮށްފައެވެ. ވެލެންސިޔާގެ މެނޭޖްމަންޓް ގަނެފައިވާ ޔޮޓު ޓުއާސްގެ ވެރިޔާ ޢަބްދުﷲ ޖާބިރު ދޮނާ ވެލެންސިޔާގެ މެނޭޖަރުކަމުން ވަކިކުރެއްވީ ވެލެންސިޔާގައި ފައިސާނެތް ވާހަކަ ހަވީރު ނޫހަށް ދޮނާ ވިދާޅުވުމުންނެވެ. މި މައްސަލައިގައި އެމްއެލް އަށް މަޢުލޫމާތު ދެއްވަމުން ދޮނާ ވިދާޅުވީ އަދިވެސް މިއުޅެނީ ވެލެންސިޔާއާއެކުގައި ކަމަށާއި އަދިވެސް ޖާބިރު ވެލެންސިޔާއަށް ޚަރަދު ނުކުރައްވާ ކަމަށެވެ. " ޚަރަދު ކުރައްވާނެ ކަމަށް ހީވާތީ މަޑު މިކުރަނީ. މިއީ އަޅުގަނޑުމެންގެ ކުލަބެއް. ޖާބިރު ހައްދަވާ ގޮތެއް ބަލާފައި އޭޕްރީލްގައި އަޅުގަނޑުމެން އޭނާއާ ދެކޮޅަށް ތެދުވާނަށް. ވައުދުވެފައިވާ ގޮތަށް ޚަރަދު ނުކުރައްވާނަމަ އޭނާ ވެލެންސިޔާ ޖެހިވަޑައިގަންނަވާނީ ދޫކޮށްލައްވަން. " ދޮނާ ވިދާޅުވިއެވެ
No comments:
Post a Comment