މަނަދޫ އޮފީހުގެ ފަރާތުން މިރޭ ( 29 ފެބްރުއަރީ 2008 ) މަނަދޫ ރައްޔިތުންނާ ބައްދަލު ކުރައްވައިފިއެވެ. މިރޭ 9:00 ގައި މަނަދޫ ޕްރީސްކޫލުގައި ބޭއްވި މި ބައްދަލުވުމުގައި މަނަދޫގެ ގިނަ އަދަދެއްގެ ރައްޔިތުން ބައިވެރިވިއެވެ. މި ބައްދަލުވުމުގައި އަތޮޅު ފެންވަރުގައި ޤައުމީ ދުވަސް ފާހަގަކުރާ ރަށަކަށް މަނަދޫ ހޮވިފައިވުމުން އެކަމާބެހޭ މަޢުލޫމާތު ރައްޔިތުންނަށް ދެއްވިއެވެ. މި ބައްދަލުވުމުގައި މަނަދޫ އެންމެ ފަހުން ގޯތި ދޫކުރިއިރު 4000 އަކަފޫޓްގެ ބަދަލުގައި 3000 އަކަފޫޓްގެ ގޯތި ދޫކޮށްފައިވާތީ އެކަމުގެ ޝަކުވާ ޕެންޒީމާގޭ އިސްމާޢީލް ޢުމަރު ކަތީބަށް ހުށަހެޅިއެވެ. ކަތީބު ވިދާޅުވީ އެގޮތަށް ހަމަޖައްސަވާފައިވަނީ ސަރުކާރުން އެގޮތަށް އަންގަވައިގެން ކަމަށެވެ. އެމް.އެލް އަށް އެގިފައިވާ ގޮތުގައި މިފަހަރު ގޯތި ލިބުނު މީހުން މި ޝަކުވާއާއެކު އަތޮޅުވެރިޔާއާވެސް ބައްދަލުކުރެއްވިއެވެ. މިބައްދަލުވުމުގައި މަނަދޫ ކަތީބު ސަޢީދު ގާސިމް އާއި މަނަދޫ ކުޑަކަތީބު އައްބާސް ނޫހު ބައިވެރިވެވަޑައިގެންނެވިއެވެ
Subscribe to:
Post Comments (Atom)
No comments:
Post a Comment